جەدەل-قۇتقارۋ جاساعىنىڭ قۇتقارۋشىلارى ىلە الاتاۋى تاۋلارىندا مانشۇك مامەتوۆا شىڭىنا جالعىز اتتانعان ەر ادامدى تاپتى. بۇل تۋرالى توتەنشە جاعدايلار مينيسترلىگى حابارلادى.
"رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى جوعالىپ كەتكەن ەر ادامدى م. مامەتوۆا شىڭىنىڭ مۇزدىعىنان تاپتى. بۇگىن مۇزدىقتى تەكسەرۋ كەزىندە رجقج قىزمەتكەرلەرىنىڭ جاياۋ توبى ەر ادامدى تاپتى. ول قاتتى توڭىپ قالعان، قۇتقارۋشىلار وعان جىلى كيىم بەردى. مەديسينالىق كومەككە مۇقتاج بولعان جوق. قازىرگى ۋاقىتتا رجقج جەدەل توبى تاۋدان تۋريستپەن بىرگە ءتۇسىپ كەلە جاتىر" دەلىنگەن حابارلامادا.
ەسكە سالا كەتەيىك، 18 شىلدە كۇنى تۋريست ىلە الاتاۋى تاۋلارىندا جوعالىپ كەتكەن بولاتىن.
مينيسترلىكتىڭ مالىمەتىنە سۇيەنسەك، م. مامەتوۆا كولىندە تۇنەگەن 27 جاستاعى جىگىت تاڭەرتەڭ شىڭعا كوتەرىلەتىنىن ايتقان. كەشكە جاقىن تۋريست دوسىنا حابارلاسىپ شىڭدى باعىندىرعانىن، دەگەنمەن وعان كومەك قاجەت ەكەنىن جانە وزدىگىنەن تۇسە المايتىنىن ايتقان. كەيىن تۋريستتان بايلانىس ءۇزىلىپ، جەدەل قۇتقارۋشىلار توبى ىزدەۋگە شىققان بولاتىن.
پىكىر قالدىرۋ